XOVES 23 | 11 h | ZONA C
Profesionais da programación de festivais de cinema e salas de cine-arte enfróntanse decote coa pregunta “que programar?”, pero, sobre todo, coa cuestión máis importante: “por que programar?” O cinema non acontece no baleiro e é unha ferramenta de comunicación privilexiada para abordar temas culturais, políticos e sociais que nos importan como sociedade.
Neste obradoiro a cargo de Valentina Otormin Dall'Oglio abordaranse os problemas e desafíos á hora de ensamblar unha programación relevante sen deixar de lado outros aspectos fundamentais da arte cinematográfica.
Hai vinte prazas dispoñibles para esta actividade que se desenvolverá o xoves 23 de novembro, ás 11 horas na Zona C. O prazo para se inscribir remata o mércores 22 ás 15.00 horas.
Faite coa túa praza!