Skráningarblað þetta inniheldur spurningar sem munu aðstoða mótsstjórn við að stilla upp deildum og setja saman lið fyrir hönd þátttakenda sem þess þurfa.
Mótið spilast yfir dagana 8. janúar til 12. febrúar. Skráning opnar 29. desember kl 18:00 og lokar 5. janúar kl 23:00. Lið þurfa að vera til á Challengermode og búin að greiða mótsgjald fyrir klukkan 23:00 þann 6. janúar.
Mótsgjald er 10.000 kr fyrir hvert fullskipað lið. Til að hvetja einstaklinga utan fullskipaðs liðs til skráningar er boðið upp á sérstakan 100% afslátt fyrir þau sem skrá sig sem einstaklingar eða tvíeyki.
Athugið að einungis er tekið við skráningum frá einstaklingum, tvíeykjum, og fimm manna liðum. Einstaklingum og tvíeykjum verður raðað saman í lið með öðrum einstaklingum og tvíeykjum af svipuðu rank.
Athugið að
án undantekninga verður ekki hægt að bæta við leikmönnum eftir að deild hefst. Við hvetjum lið eindregið til að skrá sig með annað hvort fullri vissu um að þau nái að mæta í alla leiki eða nýti sér þau þrjú varamannapláss sem bjóðast í hverju liði og skrái sig með 6-8 manns.
Athugið að mótið mun spilast gegnum síðuna Challengermode,
https://www.challengermode.com, og því er nauðsynlegt að búa til aðgang á þeirri síðu áður en lengra er haldið. Liðum verður raðað í deildir á Challengermode miðað við meðalrank 5 hæðstu leik- og varamanna liðsins og í ákveðnum tilfellum miðað við árangur í fyrri mótum.
Athugið að mótastjórn hefur eftir ábendingar samfélagsins ákveðið að taka
mjög hart á
allri neikvæðri orðræðu þátttakenda í garð annarra þátttakenda. Þátttakendum er ráðlagt að tileinka sér eftirfarandi hugsunarhátt á meðan mótinu stendur: "Ef það sem ég er að fara að segja gæti túlkast sem neikvætt, ætla ég að sleppa því að segja það".
