Почитуван(а), овој прашалник, којшто претставува еден од изворите на податоци за мојот дипломски труд, е осмислен за да се добијат информации во однос на тоа кој термин вие го користите при различните форми на комуникација (пишана, говорена), тогаш кога треба да посочите дека некое лице има некаков телесен, сетилен или ментален недостаток. Овде под секаква одговорност ја гарантирам максималната анонимност на вашите лични податоци што ќе ги запишете на овој прашалник. Личните податоци и останатите одговори ќе бидат користени само за изведување статистички прикази и ќе бидат целосно избришани во рок од 6 месеци по одговарањето на прашалникот. Патем ве замолувам при одговарањето на прашањата да не се водите од принципот на политичка коректност, туку да се водите од вашиот личен јазичен усет и реалната употреба на термините што се употребуваат во општеството за означување на оваа категорија луѓе.
Автор на прашалникот – Кристијан Лазарев, студент на Катедрата за македонски јазик и јужнословенски јазици при Филолошкиот факултет „Блаже Конески“ во Скопје