Ekipi i DebConf fton 👥vullnetarët entuziastë të jenë pjesë e organizimit të konferencës ndërkombëtare të DebConf në Kosovë. Çdo vit, ekipi i DebConf mbështetet nga një ekip i vullnetarëve të cilët ndihmojnë në detyra të ndryshme rreth konferencës dhe e bëjnë atë një vend argëtues dhe të sigurtë për të gjithë pjesëmarrësit.

DebConf është konferenca vjetore e zhvilluesve të sistemit operativ Debian, që ka për qëllim zhvillimin, mbarëvajtjen dhe promovimin këtij sistemi.

DebConf’22 do të mbahet në Innovation and Training Park, Prizren në datat 17-24 korrik, 2022. Konferenca do të paraprihet nga DebCamp që do të mbahet më 10-16 korrik, 2022.

Kjo konferencë ofron mundësi shumë të mira të rrjetëzimit dhe bashkëpunimit nga e cila mund të përfitojnë edhe vullnetarët. Në konferencat e kaluara të Debian kanë marrë pjesë folës dhe pjesëmarrës nga e 🗺️ gjithë bota.