Почитувани,
Ефектите од климатските промени се повеќе се чувствуваат, а институциите, чинителите и особено локалната заедница се соочуваат со проблеми во однос на справувањето со ефектите на климатските промени и намалување на емисиите на стакленички гасови. За таа цел “Центар за климатски промени” во рамките на соработката со Проектот “ЕУ за енергетска транзиција – Пакт на Градоначалници од Западен Балкан и Турција” кој се спроведува од страна на GIZ, подготви анкета за испитување на јавно мислење за начините за адаптација кон климатските промени и намалување на емисиите на стакленички гасови на територија на Град Скопје.
Бидејќи Вашето мислење ни е од големо значење Ве молиме да одговорите на овој краток прашалник, преку кој би сакале да го слушнеме вашето размислување за потенцијалните мерки за адаптација и ублажување на климатските промени. Прашалникот е анонимен и нема да ви одземе повеќе од 5 минути, а Вашите одговори ќе бидат земени во предвид при процесот на изработка на Планот за одржлива клима и енергија на Град Скопје.
