9 жніўня Святлана Ціханоўская заклікае беларусаў і ўвесь свет далучыцца да Міжнароднага дня салідарнасці з беларусамі і Беларуссю ў трэцюю гадавіну выбараў 2020 года.
У гэты дзень беларусы і беларускі ўсяго свету будуць праводзіць акцыі, кампаніі, пісаць лісты і паштоўкі, збіраць грошы ў падтрымку палітычных зняволеных. Нашая мэта — прыцягваць увагу міжнароднай супольнасці да Беларусі і сістэмных парушэнняў правоў чалавека, а таксама дапамагчы беларусам замежжа знайсці адно аднаго ў гэтую гістарычную для нас дату.
Калі ласка, калі вы ладзіце нейкае публічнае афлайн-мерапрыемства, акцыю, сустрэчу з гэтай нагоды, дашліце звесткі ў гэтую форму, каб на мапе* https://standwithbelarus.org (старонка неўзабаве будзе адмыслова адноўленая) з'явілася абвестка і вашая імпрэза атрымала большую вядомасць сярод беларусаў і беларусак замежжа.
Дзякуй вам!
#StandWithBelarus