კონფერენცია თემაზე "ტურისტული ადგილის განვითარება და მისი მარკეტინგული კამპანია “
კავკასიის ტურიზმის სკოლის ორგანიზებით 2024 წლის 5 ივნისს ჩატარდება კონფერენცია თემაზე: „ტურისტული ადგილის განვითარება და მისი მარკეტინგული კამპანია“. კონფერენციაში მონაწილეობის მიღება შეუძლიათ საქართველოში ავტორიზებული უნივერსიტეტების ბაკალავრიატის სტუდენტებს.
კონფერენციაზე გუნდები სხვადასხვა უნივერსიტეტებიდან იმუშავებენ ტურიზმის
მარკეტინგული კამპანიის შემუშავებაზე მათ მიერ შერჩეულ ტურისტულ ადგილას (ქალაქი, სოფელი). კამპანიამ სრულად უნდა გამოავლინოს ტურისტული ადგილის ტურისტული პოტენციალი, იმ პირობით რომ უზრუნველყოფილი იქნება ტურიზმის კონტრიბუცია მდგრად განვითარებასა და ადგილობრივი მოსახლეობის კეთილდღეობაზე.