邊個話「玩」一定係小朋友嘅專利？🤸🏻‍♂️

人大咗，好自然就玩少咗。難得約到成班朋友出嚟聚舊，但來來去去都係行街、睇戲、食飯，悶唔悶啲？🥱吾造團隊相信，每個曾經係小朋友嘅大人其實都仲好玩得，只係我哋忘記咗點樣玩。喺今個十二月，吾造邀請想同朋友一齊重拾街童時光嘅你，參加我哋最新項目「玩嘢Play Thing」嘅試玩日，一齊玩盡九龍城，係即將要面臨重建嘅老區中捐窿捐罅，邊玩邊體驗唔只屬於小朋友嘅《社區遊樂學》🤹🏻

社區實境探索遊戲 體驗不同城市角色 ｘ 跨越遊樂參與 ｘ 共創認識 【社區遊樂學試玩日詳情】Community Playground 📆日期：12月18日（日） ⏳時間：2:30-4:30pm 📍集合地點：宋皇臺花園（在宋皇臺站D出口到達） 💰費用：$100 （材料及紀念品費用） 👥對象：18-30歲青年及成人 👩‍👩‍👦‍👦名額：10個 *試玩日當日會分配2人組隊，認識新朋友 🔗報名連結： https://forms.gle/dhi5pu2vy7ioGcnK9   ☎️聯絡：6134 4045 （Lorraine） 會發送電郵確認參加資訊，付款詳情會於電郵內細列

呢樣玩吓，嗰樣玩吓，只要帶住好奇心同幻想力，其實城市每一個角落都會係你嘅遊樂場！🎢
----
此計劃由香港賽馬會社區資助計劃 - “創不同”學院 —— “創不同”種子計劃全力支持。「《社區遊樂學》試玩日」同時亦為「設計營商周城區活動」（城區活動）的衛星活動。