一般嚟講，返工起碼都佔你生活三分一，當然返工時間起碼有三分一你喺度網購緊、網上交緊水電煤子女學費、睇Mirror...嗰啲先唔計。返工唔順暢仲慘過便秘，上司壓榨唔體諒、老細唔加人工、同事搞是非、下屬又射波、茶水又打爛我隻姜B印花杯、打掃阿姐又收埋我隻mouse、看更又唔認得我，仲要臨交嘢前火警演習，HR擺明整蠱我等等，全部都令你賺錢賺得唔夠爽。

你唔覺得自己份工差，甚至係自己理想工作，但啲瑣碎小事就搞到你日日姨媽到咁。係咪有其他視野、做法，令自己喺辦公室即使唔係有光明出路，起碼都有路行下呢？《半夜微醺》推出「辦公室智將」環節，大家盡情投稿嚟，你Office可能有個智障，有個扮智將，有個失智將，仲有個失智嘅智障，都唔緊要，交畀我哋一齊解決。畢竟三個臭皮匠，勝過你一個臭皮匠。

逢星期五晚十一點，《半夜微醺》同你直播相見，「辦公室智將」陪你開OT。

支援小平台，敬希打賞，少少無拘：https://bit.ly/Drunkirk_tipping_page
半夜微醺Drunkirk Youtube： https://bit.ly/3zzZ6PE