Nú á að reyna að klára Stórferð 2020 eins og áætlað var í fyrra, samkvæmt sóttvarnarreglum er það mögulegt. Eins og í fyrra verður farið á Mývatn og hefst ferðin á Mývatni föstudagsmorgun 19. mars kl. 9:00 og ferðinni lýkur laugardaginn 20. mars um kvöldið.

Dagskráin er hefðbundin:
Föstudagur: Hittingur þar sem farið verður yfir leiðarval dagsins með norðanmönnum.  
Leiðin verður valin eftir snjóalögum og veðri. Þetta er stóri ferðadagurinn þannig að gott er að nesta sig vel.

Laugardagur: Hittingur eins og á föstudeginum og farið yfir þær leiðir sem verða í boði. Á þessum degi verður ekið styttra en á föstudeginum.
Vegna Covid 19 verður ekki sameiginlegur matur eins og áætlað var heldur borða hóparnir á sínum hótelum, boðið verður upp á samskonar mat á hótelunum og gætt verður að sóttvörnum.

Engin sérstök skemmtun verður vegna samkomutakmarkana, en þó er búið að taka frá félagsheimilið Skjólbrekku ef svo færi að sóttvarnarreglur leyfðu samkomur af þeirri stærðargráðu sem við þyrftum.

Sunnudagurinn er heimferðardagur og ekkert skipulagður. Fólk ræður því hvaða leið það fer til síns heima.

Þátttökugjald kr. 4.000,- per mann þarf að greiða strax og þar með staðfesta skráningu. ATH greiðsla í fyrri stórferð er þessari stórferð óviðkomandi. Aðeins 200 sæti eru í boði vegna covid takmarkana.  
Reikningsnúmer er 0133-26-014444 kt. 701089-1549
 
Eina skilyrðið fyrir þátttöku í ferðinni er að einn aðili í bíl sé greiddur félagi í Ferðaklúbbnum 4x4.

Ath. Selhótel og Hótel Laxá eru frátekin fyrir þá sem þátt taka í ferðinni þannig að gistiskráning fer í gegnum okkur. Munið að skrá ykkur í réttann hóp svo hægt verði að skipuleggja allt mjög vel.

Skipt verður í hópa á föstudegi og laugardegi og verður hópstjórum tilkynnt með hverjum hópurinn þeirra fer með.

Meiri upplýsingar koma þegar nær dregur, auk þess að við munum senda upplýsingar á uppgefin netföng, þannig að þau verða að vera rétt.