Afþreyinganefnd SAF og Íslandsstofa standa fyrir fundi um ævintýraferðamennsku þriðjudaginn 30. apríl kl. 08.30 í Kaldalóni í Hörpu.

Á fundinum mun Casey Hanisko, forseti ATTA, alþjóðasamtaka um ævintýraferðamennsku ræða um framtíð ferðalaga. María Björk Gunnarsdóttir, verkefnastjóri hjá Íslandsstofu, mun fjalla um markaðssetningu og ævintýraferðaþjónustu, og jafnframt verða fulltrúar nokkurra fyrirtækja  með örerindi um nálgun þeirra á ævintýraferðaþjónustu. Í lokin verða pallborðaumræður með framsögumönnum.