စ့ၣ်ဖီလ်ပဒိၣ်ကၠိ(SPPS) အၢၣ်လီၤသးလၢ ကပာ်လီၤကၠိစ့တိာ်ပာ်အတၢ်ဆၢတဲာ်တဖၣ်န့ၣ် ကဒိးသန့ၤထီၣ်သး လၢတၢ်ဂ့ၢ်ထၢဖှိၣ်တဖၣ်အဖီခိၣ် ဒီးကွၢ်ထံဆိမိၣ်က့ၤကမျၢၢ်အတၢ်ပာ်လုၢ်ပာ်ပှ့ၤတဖၣ်န့ၣ်လီၤ. တၢ်အဝဲအံၤမ့ၢ် တၢ်လၢအကါဒိၣ်မး ဖဲပကွၢ်ဆၢၣ်မဲာ်ဒီးကျိၣ်စ့တၢ်ဂ့ၢ်ကီဖးဒိၣ်လၢ FY25 စ့တိာ်ပာ် (ကၠိ ကျိၣ်စ့ တၢ်တိာ်ကျဲၤ လၢ ၂၀၂၅နံၣ်အဂီၢ်) မ့ၢ်လၢ ကီၢ်စၢဖှိၣ်ကျိၣ်စ့အတၢ်ဆီၣ်ထွဲ American Rescue Plan (ARP) ဒီး Elementary and Secondary School Emergency Relief (ESSER) ကကတၢၢ်ကွံာ်ဝဲဖဲ လါစဲးပထ့ဘၢၣ် ၂၀၂၄ နံၣ် အဃိန့ၣ်လီၤ.
စ့ၣ်ဖီလ်ပဒိၣ်ကၠိ မၤအါထီၣ် တၢ်နုာ်လီၤမၤသကိးတၢ်အတၢ်အိၣ်ဖှိၣ်အကတီၢ်တခါဖဲ လါနိၣ်ဝ့ဘၢၣ် ၁၆သီ အနံၤ ဖဲ Humboldt တီၤထီကၠိန့ၣ်လီၤ. ပကွဲမုာ် စ့ၣ်ဖီလ်ပဒိၣ်ကၠိ ကၠိဖိတဖၣ်, ဟံၣ်ဖိဃီဖိ, ကၠိပှၤမၤတၢ်ဖိ ဒီး ပှၤတဝၢဖိတဖၣ်လၢကဟဲထီၣ်တၢ်အိၣ်ဖှိၣ်ဒီးဟ့ၣ်နီၤဟ့ၣ်ခီတၢ်ထံၣ်တဖၣ်န့ၣ်လီၤ. တၢ်တူၢ်လိာ်မုာ်တၢ်အီၣ် တၢ်အီ ဒီးတၢ်ကွၢ်ထွဲဖိသၣ်ဆံးတဖၣ်အိၣ်ဝဲလီၤ.
လၢပတၢ်ဟ့ၣ်ထီၣ် တၢ်ဒုးသ့ၣ်ညါနၢ်ပၢၢ်ဘၣ်ဃးကၠိကီၢ်ရ့ၣ် ဒီး ကၠိစ့တိာ်ပာ်အဂ့ၢ်ခီၣ်ထံးခီၣ်ဘိအမဲာ်ညါ, တၢ်ပာ်ဖှိၣ်ထီၣ် တၢ်ဟ့ၣ်ကူၣ်တၢ်ထံၣ်တဖၣ်လၢတၢ်အိၣ်ဖှိၣ်အကတီၢ်တဖၣ်အံၤန့ၣ် ကဘၣ်တၢ်စူးကါအီၤလၢ ခါဆူညါတၢ်ပာ်လီၤ ကၠိကီၢ်ရ့ၣ်စ့တိာ်ပာ်တဖၣ်အဂီၢ်လီၤ.
တၢ်အိၣ်ဖှိၣ်တဖၣ်အံၤ ကဘၣ်တၢ်သုးကျဲၤမၤအီၤလၢ အဲကလံးကျိာ်, စပဲနံးၡ်ကျိာ်, မိန်ကျိာ်, စိၣ်မါလံကျိာ် ဒီး ကညီကျိာ်န့ၣ်လီၤ.
နမ့ၢ်အဲၣ်ဒိးကျိာ်အဂုၤအဂၤဒ်အမ့ၢ် Amharic, Arabic, ASL, French, Oromo, Swahili, Tigrinya, Urdu ဒီး Vietnamese နကဘၣ်ဃ့ထီၣ်ဆိအီၤလီၤ.