Marknadshagekurset i Vestland 2021

Lokal småskalaproduksjon av grønsaker kan både vera enkelt og utfordrande å starte opp med. Bondens marknad lanserer no andre kursrunde med marknadshagekurs i Vestland fylke.

Kurset gir deg oppstartskunnskap om både marknadsarbeid og produksjon av grønsaker for sal på Bondens marknad, REKO, og eigne gardsutsal. Kurset byr på:

- Ei trygg innføring grønsaksdyrking frå rådgjevarar i NLR, ein god los inn i marknadsarbeid gjennom Bondens marknad og andre lokalmatekspertar i Vestland
- Ein god porsjon møter med bønder og gartnarar som med stor iver har starta og klekt kodene for å få til ein marknadshage.
- Tilleggsaktivitetar: Mange er framleis i oppstartsfasen og kurset sper på med studietur i samarbeid med Bjørnafjorden landbrukskontor, og markvandringar i sesong og fadderordningar.
- Kurset vil og dra nytte av erfaringar og samarbeid med Stadsbruk-prosjektet i Malmø.

Ny søknadsfrist er 3. november.

INFORMASJONSMØTE:  28.oktober - Bergen eller Voss – Inspirasjonssamling på kveldstid kor du vil møte erfarne og nyoppstarta bønder og gartnarar som driv ein marknadshage eller småskala grønsaksproduksjon. Då får du også vite meir om kurset og mulege støtteordningar frå Innovasjon Norge. Opptak frå møtet kan du se her: https://youtu.be/dnl2kMByDNQ 

Dersom du får plass på kurset (tilbakemelding 10. nov) er desse samlingane obligatoriske for deg - sett av datoane i kalenderen allereie no  :

- Kræsjkurs i Grønsaksdyrking (17.nov)
- Marknadshagekurs (2x2-dagarssamlingar med overnatting)
19.-20. januar + 16.-17. februar i 2021,
- Entreprenørskapsdagane 9.-10. mars i 2021. Sjå detaljert plan i teksten under.

SØKNAD OG PÅMELDING til Marknadshagekurset 2020
Deltakaravgift: kr 2500,-, og i tillegg må du dekke overnatting og middagar på samlingane.
Ny søknadsfrist er 3. november.

Kurset er open for 30 deltakarar som vil starte opp småskala grønsaksproduksjon for sal.  Søknaden må innhalde ein kort skildring av din gard eller kompetanse for å starte med småskala grønsaksproduksjon, og kva som er din motivasjon for å starte med småskala grønsaksdyrking/ein marknadshage.  Du må ikkje har gard for å delta på kurset.

Dette er med andre ord ikkje eit kurs for hobbygartnarar eller folk som vil drive ein parsell eller sjølvbergingshage. Er du på jakt etter hobbykurs, så kontakt Bybonden i Bergen, Ida Kleppe.

Spørsmål sendes på e-post til markedshage@bondensmarked.no , eller du kan kontakte prosjekteigar Maya Riise.

Deltakeravgiften betales rett etter at at du har fått tildelt plass (ca. 10. november).