Ազդանշանների թվային մշակում
Սիրով ցանկանում ենք տեղեկացնել, որ սույն թվականի օգոստոսի 27-ին ժամը 19։00-ին տեղի կունենա օնլայն սեմինար՝ նվիրված ազդանշանների թվային մշակման ոլորտում եղած արդիական խնդիրներին։ Սեմինարի ընթացքում կլինի պատմական ակնարկ այդ ոլորտի մասին, կքննարկվի կապը մեքենայական ուսուցման հետ, ինչպես նաև կդիտարկվի մեծ կիրառություն ունեցող խնդիրների օրինակներ, ինչպիսիք են՝ ազդանշաններից աղմուկի մաքրումը, մարդկային ձայնի ճանաչումը, ձայնային ազդանշանից տեքստի ստացման խնդիրը և այլն։ Սեմինարը կվարի ֆիզիկայի ֆակուլտետի բարձրագույն մաթեմատիկայի ամբիոնի ասիստենտ ֆիզ․ մաթ․ գիտ․ թեկնածու, Krisp ընկերության գիտական խմբի գլխավոր գիտնական Ստեփան Սարգսյանը, ով այս տարի դարձել է HIVE-ի հայտարարած HIVE Ventures 30 Under 30 Armenians in Tech մրցանակաբաշխության հաղթած 30 մասնակիցներից մեկը։ Սիրով սպասում ենք բոլորիդ։
Գրանցեք մասնակցության հղումը ստանալու համար։