19 dekabr 2020-ci il tarixində “InnoWeek - İnnovasiya həftəsi” çərçivəsində Nəqliyyat, Rabitə və Yüksək Texnologiyalar Nazirliyinin “Robopark” layihəsi çərçivəsində “Girls Code Azerbaijan” platforması tərəfindən “The full lifecycle of Machine Learning projects - Maşın öyrənməsi proyektlərinə ümumi ortaq yanaşma” adlı tədbirin təşkil edilməsi nəzərdə tutulur.

Təlimdə ML proyektlərinə ümumilikdə necə yanaşılmalı, modelin öyrənməsi üçün lazım olan datanın hazırlanması, modelin öyrədilməsi ve test edilməsi, təxmin olunan dəyərlərin çatdırılması prosesləri və modelin versiyalanmasının əhəmiyyəti izah olunacaq.

Tədbir vebinar formatında 19 dekabr saat 20:00-da təşkil olunacaq. Tədbirin müddəti 1 saatı əhatə edir. Maşın öyrənməsi sahəsi ilə maraqlanan hər bir şəxs vebinara qoşularaq, müvafiq sektorda biliklərini təkmilləşdirə bilər.