Xees Phos Tsoom Fwv Tsev Kawm Ntawv (SPPS) yuav txiav txim siab rau txoj kev npaj nyiaj raws li ntaub ntawv qhia thiab tej kev uas peb lub zej zos pom tias muaj nqis. Nov yog ib qho tseem ceeb heev vim cov nyiaj pab tuaj uas hu ua American Rescue Plan (ARP) thiab tsoom fwv cov nyiaj ESSER uas pab tuaj rau hauv tsev kawm ntawv theem qis thiab theem ob yuav tag rau lub Cuaj Hli xyoo 2024 no ces peb cov nyiaj yuav tu. Qhov nov yuav cuam tshuam peb cov nyiaj rau xyoo kawm ntawv 2025.
SPPS tau ntxiv ib lub rooj sib tham ntxiv rau thaum lub 11 Hlis tim 16 lawm. Lub rooj sib tham no yog nyob rau ntawm Humboldt High School. Thov nqua hu SPPS cov tub ntxhais kawm ntawv, cov tsev neeg, neeg ua hauj lwm thiab cov neeg hauv zej zos tuaj koom thiab pab tawm tswv yim. Yuav muaj hmo noj thiab pab zov me nyuam.
Ntxiv rau tej kev to taub txog txoj kev npaj nyiaj no, cov lus pom zoo uas sawv daws pab teb yuav pab rau txoj kev npaj nyiaj thiab txiav txim siab rau yav tom ntej.
Cov rooj sib tham no yuav muaj hais ua lus Askiv, Mev, Hmoob, Xamalis thiab Kaliam.
Lwm hom lus ces yuav tau hais tuaj peb mam nrhiav: Lus Amharic, Arabic, ASL, Fabkis, Oromo, Swahili, Tigrinya, Urdu thiab Nyablaj.