Azərbaycan Respublikası Vəkillər Kollegiyası ilə Ədliyyə Akademiyasının birgə əməkdaşlığı çərçivəsində 30 sentyabr, 07 oktyabr və 17 oktyabr 2022-ci il tarixlərində Vəkillər Kollegiyasının üzvləri üçün onlayn qaydada növbəti təlimlərin keçirilməsi nəzərdə tutulur.

30 sentyabr 2022-ci il tarixində saat 15:00-16:00- “Vəkillərin “Elektron məhkəmə” informasiya sistemindən səmərəli istifadəsi” mövzusu üzrə keçiriləcək təlimdə Ədliyyə Nazirliyi İnformasiya-kommunikasiya texnologiyaları idarəsinin Strateji planlaşdırma şöbəsinin böyük məsləhətçisi Nərgiz Murquzova, 07 oktyabr 2022-ci il tarixində saat 15:00-16:00- “Qadınların ədalətə çıxışı” mövzusu üzrə keçiriləcək təlimdə Vəkillər Kollegiyasının üzvü Sevinc Əliyeva,  17 oktyabr 2022-ci il tarixində saat 10:00-11:00- “İşgəncələr əleyhinə beynəlxalq konvensiyalar” mövzusu üzrə keçiriləcək təlimdə Konstitusiya Məhkəməsinin hakimi, Avropa Şurasının İşgəncələr Əleyhinə Komitəsinin üzvü Ceyhun Qaracayev təlimçi qismində iştirak edəcəkdir.    

 Əlaqələndirici şəxs – Vəkillər Kollegiyasının Hüquqi Yardım və Tədris Mərkəzinin tədris işləri üzrə koordinatoru Günay Sultanova (tel. 012-594-99-85, 050-377-70-80)