Cyflwyno CUPHAT
Mae Ucheldiroedd Arfordirol: Treftadaeth a Thwristiaeth (CUPHAT) yn brosiect sy’n ceisio gweithio gyda chymunedau lleol i arddangos treftadaeth ddiwylliannol a naturiol nodweddiadol a rennir ardaloedd ucheldirol Mynyddoedd Wicklow a Blackstairs yn Iwerddon a Mynyddoedd Cambria a Mynyddoedd Preseli yng Nghymru. Mae’r prosiect yn canolbwyntio ar ddatblygu ffurfiau cynaliadwy ac adfywiol o dwristiaeth yn yr ardaloedd hyn – mewn geiriau eraill, twristiaeth sy’n eiddo i gymunedau lleol ac sydd o fudd iddynt. Mae'r prosiect yn cael ei gynnal mewn partneriaeth rhwng Coleg Prifysgol Dulyn, Prifysgol Aberystwyth ac Ymddiriedolaeth Archeolegol Dyfed.

Sut bydd eich ffotograff yn cael ei ddefnyddio?
Os byddwch yn cyflwyno llun i'r gystadleuaeth hon mae'n bosibl y byddwn yn ei ddefnyddio mewn nifer o ffyrdd, ond gallwch ddewis yn y ffurflen isod pa rai o’r defnyddiau hyn yr ydych yn fodlon ag. Yn y lle cyntaf byddwn yn ei gynnwys fel rhan o’r gystadleuaeth ac os byddwch yn cyrraedd y rhestr fer yn llwyddiannus byddwn yn ei arddangos ar ein gwefan a’n sianeli cyfryngau cymdeithasol, gyda’ch enw a chapsiwn ar gyfer y llun. Hoffem hefyd ddefnyddio’r ffotograffau a gyflwynwyd i’n helpu i amlygu meysydd o ddiddordeb ar draws y pedwar maes prosiect fel rhan o waith ehangach CUPHAT. Gallwch ddewis a ydych am roi caniatâd i ni ddefnyddio'r ffotograff, eich enw a'ch capsiwn mewn amrywiaeth o ffyrdd yn y ffurflen isod. Os byddai'n well gennych i'ch fotografff gael ei hystyried ar gyfer y gystadleuaeth yn unig ac na chaiff ei defnyddio yn unrhyw un o'r ffyrdd hyn, bydd eich ffurflen gais a'ch manylion cyswllt yn cael eu dileu yn syth ar ôl y gystadleuaeth.

Sut bydd eich data personol yn cael ei ddefnyddio?
Bydd y wybodaeth gyswllt a roddwyd yn y ffurflen isod yn cael ei defnyddio at ddibenion y gystadleuaeth ffotograffig i’n galluogi i gofnodi a rheoli eich cais ac i gysylltu â chi ynglyn â’r gystadleuaeth. Dim ond rhwng staff y prosiect sy'n gweithio ar y gystadleuaeth ym Mhrifysgol Aberystwyth a Choleg Prifysgol Dulyn y byddwn yn rhannu eich gwybodaeth. Bydd eich gwybodaeth yn cael ei ddileu yn syth ar ôl i'r gystadleuaeth ddod i ben oni bai eich bod yn fodlon i ni ddefnyddio'ch llun yn y ffyrdd eraill a restrir yn y ffurflen. Yn yr achos hwn byddwn yn cadw eich manylion cyswllt yn ddiogel gyda mynediad yn gyfyngedig i aelodau perthnasol tîm y prosiect yn unig. Byddem yn defnyddio'r rhain dim ond i ddilyn i fyny gyda chi am ddefnyddiau posibl o'r ffotograff yn y dyfodol.

Beth fydd yn digwydd os byddwch yn penderfynu cymryd rhan?
Os ydych yn hapus gyda'r manylion hyn, llenwch y ffurflen hon a dilynwch y cyfarwyddiadau i gwblhau eich ymgais ffotograff. Os bydd eich cais yn cael ei roi ar y rhestr fer byddwn yn cynnwys eich ffotograff, eich enw, a'r capsiwn a roddwch ar ein gwefan a'n sianeli cyfryngau cymdeithasol. Drwy lenwi'r ffurflen hon rydych yn cadarnhau eich bod dros 18 oed ac mai chi yw'r person a dynnodd y llun.

Beth os byddaf yn newid fy meddwl ac nad wyf am gymryd rhan mwyach?
Os nad ydych yn hapus gyda'r  telerau ac amodau uchod, gadewch y ffurflen hon nawr ac ni fydd unrhyw fanylion yn cael eu cofnodi. Mae gennych hefyd yr hawl i newid eich meddwl a rhoi'r gorau i gwblhau'r ffurflen ganlynol ar unrhyw adeg. Os nad ydych yn dymuno parhau, gadewch y ffurflen trwy gau'r porwr ac ni fydd unrhyw ddata'n cael ei gofnodi na'i anfon ymlaen at dîm y prosiect. Os byddwch yn newid eich meddwl am gymryd rhan yn y gystadleuaeth ffotograffig, cysylltwch â ni yn unol â'r manylion isod a bydd eich manylion cyswllt yn cael eu dileu ar unwaith. Os ydych chi'n newid eich meddwl am gymryd rhan yn y gystadleuaeth ffotograffig, gallwn hwyluso hyn dim ond hyd at 1 Mawrth 2023. Wedi hynny, mae siawns y bydd eich llun ar y rhestr fer ac wedi’i bostio ar-lein.

Manylion cyswllt:
Os oes gennych unrhyw gwestiynau neu os hoffech drafod unrhyw agwedd ar eich ymwneud â phrosiect CUPHAT gallwch gysylltu â ni drwy e-bost drwy cuphat@aber.ac.uk.
Os ydych yn hapus gyda'r uchod cliciwch 'Submit' isod i gyflwyno'ch cais. Wrth wneud hynny rydych yn cytuno â'r telerau ac amodau a amlinellir uchod.