केंद्र शासनाच्या कौशल विकास और उद्यमशिलता मंत्रालय, नवी दिल्ली यांचेद्वारे  Covid-19 काळात वैद्यकीय क्षेत्रास आवश्यक असणारे कुशल मनुष्यबळ तयार करण्यासाठी प्राधान्याने कौशल्य विकास प्रशिक्षण राबविण्याचे नियोजित आहे. सदर, प्रशिक्षण हे एक महिना प्रशिक्षण आणि तद्नंतर एक महिना प्रत्यक्ष कामावर (OJT-On Job Training) प्रशिक्षण या प्रकारचे असणार आहे. सदर प्रशिक्षणासाठी हेल्थकेअर सेक्टर स्किल कौंसिलच्या निर्देशान्वये अभ्यासक्रम निश्चित करण्यात आले आहे. सदर अभ्यासक्रमांतर्गत प्रचलीत प्रशिक्षणाद्वारे वैद्यकीय क्षेत्रात काम करु इच्छिणा-या युवक युवतींसाठी प्रशिक्षण तसेच Recognition of Prior Learning (RPL) अंतर्गत वैद्यकीय क्षेत्रात काम करत असलेल्या परंतु अल्प कालावधीचे प्रशिक्षण आणि प्राप्त कौशल्याचे प्रमाणपत्र आवश्यक असलेल्या उमेदवारांना प्रशिक्षण देणे नियोजित आहे.

सदर फॉर्म भरताना काही अडचणी उद्भवल्यास जिल्हा कौशल्य विकास, रोजगार व उद्योजकता मार्गदर्शन केंद्र, अहमदनगर, कार्यालयाच्या ahmadnagarrojgar@gmail.com आणि 0241-2425566 या दुरध्वनी क्रमांकावर संपर्क करावा.