SÍBS og Vesen og vergangur standa fyrir ókeypis gönguáskorun á höfuðborgarsvæðinu í byrjun sumars 2020.

Mikilvægt er að skrá sig hér - nánari upplýsingar um göngurnar verða sendar í tölvupósti á skráða þátttakendur.

Áhersla er lögð á að koma til móts við þarfir þeirra sem hafa lítið gengið eða hafa af einhverjum ástæðu ekki náð að hreyfa sig reglulega. Annars vegar er í boði mjög létt ganga klukkan 17:00 með áherslu á að njóta náttúrunnar og hins vegar létt ganga klukkan 19:00 með áherslu á að byggja upp meira gönguþol.

Boðið verður upp á göngur fimm miðvikudaga í röð auk lengri lokagöngu. Gönguáskorunin hefst miðvikudaginn 27. maí. Göngurnar leiðir Einar Skúlason forsprakki gönguhópsins Vesen og vergangur.

Þátttakendur eru hvattir til að fara sjálfir reglulega út að ganga á meðan áskorunin stendur yfir.