ROTEIROS ILLA VERDE 2021- CAMIÑO DE SANTIAGO
Nesta actividade pode participar calquera socio da ANPA que así o desexe.
Os nenos que participen na actividade deberán facelo sempre baixo a supervisión dun adulto que deberá facerse responsable en todo momento do menor.
A actividade transcorre habitualmente en entornos naturais polo cal deberanse ter en conta os seguintes aspectos:
>> Levar roupa e calzado adecuados. Recoméndase consultar a previsión meteorolóxica e escoller a roupa adecuada en función da climatoloxía prevista. Tamén é recomendable levar no coche unha muda para cambiarse ao acabar o roteiro sobre todo os días de choiva.
>> Protección solar para evitar queimaduras.
>> Planificación da ruta: sempre se informa previamente da distancia aproximada a percorrer así como o nivel de dificultade alta-media-baixa que está relacionado co desnivel do roteiro.
>> Recoméndase levar auga e algo de alimento para comer nos momentos de descanso.
>> Recoméndase levar teléfono móvil e dar o seu número de contacto para permitir a súa localización de ser necesario e posible.
>> Deberánse seguir en todo momento as indicacións dadas polos organizadores
>> Deberanse respetar o medioambiente así como as propiedades privadas que se atopen durante o percorrido.
Os participantes nesta actividade acoden de forma libre, voluntaria e consciente, ademais son coñecedoras das normas de participación, acéptanas e comprométense a cumprilas, da dificultade da ruta e da súa propia situación física polo que a ANPA declina calquera responsabilidade ou consecuencia que se derive da súa participación nas mesmas.