Fatlað fólk á rétt á að taka þátt í kosningum og stjórnmálalífi!

Landssamtökin Þroskahjálp vita að fatlað fólk mætir mörgum hindrunum þegar kemur að því að taka þátt í stjórnmálum og kjósa.

Þetta getur til dæmis snúist um að fá aðstoð til að komast á kjörstað, að fá að velja hver aðstoðar þig í kjör-klefanum, að fá upplýsingar um flokkana og hverjir eru í framboði, að mæta á kosningafundi. Í samfélaginu eru líka fordómar fyrir því að fatlað fólk kjósi.

Við viljum heyra sögur frá fötluðu fólki um hvernig það hefur upplifað hindranir þegar það vill taka þátt í stjórnmálum og þegar það ætlar að kjósa.

Með því að svara þessu eyðublaði gefur þú okkur leyfi til þess að hafa samband við þig vegna sögunnar. Við munum nýta sögurnar í baráttu okkar fyrir stjórnmálalegum réttindum fatlaðs fólks.