Столарска едукативна работилница за градење на лични вештини
Столарската едукативна работилница ќе трае 84 часа во пет и пол месеци, започнувајќи од 8 ноември 2023 година, два пати неделно, во понеделник и среда, по два часа, од 19 до 21 часот во просториите на Пасворд продакшн, каде се активностите на Столарскиот едукативен центар, на ул 8ма Ударна Бригада бр. 39/-1.
Наменета е за лица кои сакаат да стекнат лични столарски вештини и сакаат да се занимаваат со столарство. Искуство не е потребно. Поттикнуваме да се пријават и жени.
Во работилницата го имаме потребниот алат и материјали за спроведување на активностите. Ваше е да понесете лична заштитна опрема (заштитни наочари, заштитни ракавици, FFP2/N95 маска и тампони за уши) и да сте соодветно облечени за работа и можна прашина.
Групите ќе бидат ограничени на 10 лица, со цел да се овозможи ефективно пренесување на знаењата од менторите - професионални столари и за да се овозможи комоција на движење и работа во просторот.
Материјалите кои се употребуваат во работилницата се пред сè иверка и дрво. Материјалите кои се користат во работилницата се остаток од производството на мебел од компаниите - наши поддржувачи, со што успеваме да го намалиме отпадот кој се создава во мебел индустријата. „Во столарството не постои отпад, само парчиња кои допрва треба да најдат употреба.“
Работниот јазик е македонски.
Котизација за учество во работилницата е 45.555,00 денари. Трошокот за спроведување на работилницата е проценет на 60.777,00 денари. Благодарение на поддршката од компаниите можеме да го намалиме овој трошок.
Пријавувањето на работилницата е отворено до 3 ноември 2023 година. Пријавувањето ќе се врши на принципот - први пријавени - први услужени. За пријавени ќе се сметаат тие лица кои ќе имаат пополнето пријава и уплатена котизација. За да се спроведе работилницата потребни се најмалку 6 учесници.
Оваа работилница е спроведувана од страна на здружението на граѓани Одржливи иницијативи од Скопје, а е поддржана од компаниите: Акрон, Фамод, Бранимир компани, Про-дизајн, Сканда дизајн, Југоимпекс, Блажич, Монозеро, Астал масив, Биба терк, Инфини студио и Пасворд продакшн.