થોમસ આલ્વા એડિસને અનેક મહાન શોધો દ્વારા માનવજાતની મહાન સેવા કરી છે . આવા થોમસ બહેરા હતા . બહેરાશપણાને લીધે તેઓ વાતોને સાંભળી શકતા નહી અને સમજી શકતા નહી , પણ આ બહેરાપણું એમને માટે તો વરદાન સાબિત થયું . એક ઈન્ટરવ્યુમાં આ વિશે વાત નીકળી તો તેમણે આ પ્રકારનો જવાબ હતો . “ બહેરાપણાએ મને ગપ્પાબાજીની મજાથી વંચિત રાખ્યો , પણ મને તો આનંદ છે . રાત્રે હોટલમાં હું ખાવા જતો ત્યાં બીજા લોકો આડી અવળી વાતો કરતા ત્યારે હું મારી સમસ્યાઓ પર વિચાર કરતો . જે મેં પણ તે બધી ફાલતુ વાતો અને અવાજ સાંભળ્યા હોત તો કદાચ આજે હું આ બધું ન કરી શકયો હોત .

વિનોબાએ એક પ્રસંગ નોંધ્યો છે . વિનોબા ભાવેને સવારે વહેલા ઉઠવાની ટેવ હતી . આ સવારના અનુભવો એમણે વર્ણવ્યો છે . તેઓ કહે છે , હું એક વાર ફરતો હતો . રસ્તામાં ખેતર આવ્યું . વહેલી સવારનો સમય હતો . પાકની રક્ષા માટે માંચડો બનાવેલો હતો . ત્યાં એક ખેડત બેઠેલો . મે કહ્યું , “ અરે ભાઈ , તારા ખેતરનું અનાજ પક્ષીઓ ખાય છે , તારું ધ્યાન કયાં છે ? ત્યારે ખેડુતે કહ્યું : એરે બાબાજી , આતો રામપ્રહાર છે . સૂર્યનારાયણ આવી રહ્યા છે . હમણાં થોડું અનાજ તેમેને ચણી લેવા દઈશ પછી ઉડાડીશ . તેમને પણ હક છે ને ? '