Запрашаем Вас у размоўны клуб беларускай мовы "РазМова"!
"РазМова" - гэта месца, дзе можна паляпшаць навыкі размоўнай беларускай мовы незалежна ад вашага ўзроўня валодання, а таксама месца, дзе можна пазнаёміцца, карысна і цікава праводзіць час з рознымі людзьмі.
Клуб праводзіць сустрэчы ў выглядзе трох фарматаў: тэматычныя размовы, настольныя гульні і дэбаты.
Як далучыцца да клуба? Вы запаўняеце гэтую гугал-форму.
На пазначаны вамі кантакт прыдзе паведамленне з запрашэннем на чат клуба.
На чаце будзе публікавацца актуальная для клуба інфармацыя: дзень, час і месца правядзення наступнай сустрэчы клуба, розныя апытанкі, якія маюць мэтай паляпшэнне арганізацыі працы клуба. Таксама там могуць абмяркоўвацца пытанні беларускай мовы, якія ўзнікаюць у сябраў клуба: адпаведнікі слоў у беларускай мове словам іншых моў, выкарыстанне розных слоў, магчымыя пытанні лексікі, арфаграфіі, граматыкі і інш.
У чаце клуба таксама замацованыя прывілы клуба і чата, а таксама правілы правядзення дэбатаў.
Кошт:
Задарма.
Дзень і час правядзення клубу:
Па выхадных (субота ці нядзеля), 12.00. Дакладная інфармацыя будзе публікавацца ў чаце.
Перыядычнасць сустрэч:
2 разы на месяц.
Працягласць 1 сустрэчы:
2 гадзіны.
Фарматы сустрэч:
- тэматычныя размовы па падгрупах па 4-6 чалавек з мадэратарам у кожнай групе, які добра валодае беларускай мовай, агранізуе працу ў падгрупе і дапамагае іншым з лексікай,
- настольныя гульні на беларускай мове, якія патрабуюць між іншым дастатковую колькасць выкарыстання размоўнай мовы кожнаму ўдзельніку гульні,
- дэбаты на розныя тэмы паміж 2 камандамі з пазіцыямі "за" і "супраць" (падрабязней правілы чытайце на чаце ў замацаваных).