«Վեբ ծրագրավորման հիմունքներ» Codium ընկերության հետ
«Վեբ ծրագրավորման հիմունքներ» դասընթաց Արմավիրի մարզի երիտասարդների համար
«Հայաստանում աշխատուժի զարգացման» ծրագրի շրջանակում «Ձեռնարկությունների ինկուբատոր» հիմնադրամը՝ Codium ընկերության հետ համատեղ հայտարարում է «Վեբ ծրագրավորման հիմունքներ» դասընթաց Արմավիրում։
Դասընթացը նախատեսված է Արմավիրի մարզի 15 և բարձր տարիքի երիտասարդների համար, ովքեր ունեն լավ տրամաբանություն և անգլերենի առնվազն միջին մակարդակի իմացություն։
Տեղերի սահմանափակության պատճառով մասնակիցների ընտրությունը կիրականացվի ըստ առաջնահերթության։
Դասընթացը կազմակերպվում է ԱՄՆ Միջազգային զարգացման գործակալության ֆինանսավորմամբ իրականացվող «Հայաստանում աշխատուժի զարգացման» ծրագրի շրջանակում, որի նպատակն է երիտասարդներին և կանանց տրամադրել հնարավորություն՝ բարելավելու իրենց աշխատանքային հմտությունները՝ համապատասխանեցնելով աշխատաշուկայի պահանջներին, և գտնելու աշխատանք բարձր տեխնոլոգիաների, գյուղատնտեսության և զբոսաշրջության ու հյուրընկալության ոլորտներում։