"Би монгол хүн" монгол хэлний цахим сургуулийн сургалтын бүртгэл. 2022-2023.
Дэлхий даяар монгол хэл, соёлын сургалт явуулж байгаа 8 орон дахь монгол сургуулийн 11 багш нар, Хилийн чанад дахь Монголчуудын Зөвлөлийн Боловсролын хороо хамтран "Би монгол хүн" цахим сургуулийг албан ёсоор нээж, сургалтаа цахимаар явуулж байна.
Манай багш нар бүгд багшийн мэргэжилтэй, англи, герман, франц, солонгос, швед, япон хэлийг давхар эзэмшсэн, гадаад хэлтэй орчинд амьдарч буй монгол хүүхдэд монгол хэл, соёлоо олон жил зааж байгаа туршлагатай. Мөн МУ-ын Боловсролын хүрээлэн, Багшийн мэргэжил дээшлүүлэх институтээс хамтран жил бүр зохион байгуулж байгаа сургалтад хамрагдан, мэргэжлээ дээшлүүлдэг
Бид Zoom Апп-ыг ашиглан шууд сурагчидтайгаа харьцан, хос хэлтэй орчинд өсч торниж буй хүүхдүүдийн өвөрмөц онцлог, хэлний түвшинд тохирсон сонирхолтой аргаар хичээлээ заах болно. Мөн сурагчдын сонирхлыг татсан Kahoot, Wizer, Wordwall. зэрэг Interaktiv төрөл бүрийн сургалтын тоглоомон аргыг сургалтандаа өргөн ашиглаж байгаа.