මෙතෙක් සිදු කළ පශ්චාද් උපාධි පර්යේෂණ/නව දැනුම පිළිබඳ කතිකාවක් ගොඩනැගීම උදෙසා සී. ද. එස්. කුලතිලක සංරක්ෂණ හා පර්යේෂණ ඒකකය විසින් සංවිධානය කරනු ලබන ශාස්ත්‍රීය කවය ජනවාරි මස සිට සෑම දෙසතියකට වරක් පැවැත්වීමට සැලසුම් කොට තිබේ. ඒ සඳහා ගරු ආරාධිත සම්පත් දායකත්වය ලබාදීමට කැමැති ඔබට ගෞරවයෙන් ඇරයුම් කරමි.

මෙහිදී ශාස්ත්‍රපති, දර්ශනපති, දර්ශනසූරී උපාධි පර්යේෂණ පිළිබඳ හෝ ඕනෑම පර්යේෂණයක් පිළිබඳ මෙහිදී සාකච්ඡා කළ හැකි ය. මෙහිදී විනාඩි 45 ක කාලයක් සිය පර්යේෂණය පිළිබඳ කරුණු ද, ඊළඟ විනාඩි 15 සිය පර්යේෂණ අත්දැකීම්, අභියෝග, ගැටලු හා රසවත් තොරතුරු ආදිය සාකච්ඡා කිරීමට ද ඉතිරි විනාඩි 30 ප්‍රශ්න ආදිය විමසීමට කාලය වෙන් වෙයි.
පවතින ගෝලීය වසංගත තත්ත්වය හේතුවෙන් මාර්ගගත ක්‍රමය ඔස්සේ මෙකී සාකච්ඡාව පැවැත්වීමට අපේක්ෂිත ය.

ශාස්ත්‍රීය කවය සඳහා ඉදිරිපත් වීමට කැමැති ආචාර්යභවතුන්/පර්යේෂකයින් පහත සබැඳියාවෙන් ඒ පිළිබඳ දැනුවත් කරන මෙන් කාරුණිකව ඉල්ලා සිටිමි.