Տեխնոլոգիական Կրթություն հիմնադրամը և Armenian Code Academy կազմակերպությունը, EasyPay ընկերության ֆինանսավորմամբ մեկնարկում են անվճար
«Ֆինանսական գրագիտության զարգացում» դասընթացը:
Դասընթացի նպատակն է
զարգացնել ֆինանսական գրագիտության կարողությունները,
որոնք անհրաժեշտ են ֆինանսապես ավելի կիրթ ու մտածված որոշումներ կայացնելու համար: Դասընթացը ընդգրկում է թեմաների լայն շրջանակ, որոնք նշանակալի են Ֆինանսական գրագիտության, առցանց անվտանգության, արդյունավետ ֆինանսների կառավարման համար:
Դասընթացները անցկացվելու են ընդհանուր 8 ժամ տևողությամբ առցանց վիդեո դասախոսությունների միջոցով՝ մասնակիցներին հնարավորություն տալով սովորել իրենց համար հարմար տեմպով:
Մասնակիցների առաջընթացը չափելի դարձնելու համար դասընթացի ընթացքում նրանք կունենան առաջադրանքներ՝ հարցաշարերի և/կամ այլ վարժությունների տեսքով:
Այս դասընթացը կօգնի.
- Ծանոթանալ ֆինանսական գրագիտության հիմունքներին
- Տեղեկանալ Հայաստանի ֆինանսական համակարգերից
- Կատարել ճիշտ ընտրություն բանկային քարտերի և ֆիզիկական արժույթի միջև
- Օգտվել թվային ֆինանսներից
- Սովորել պարտքի կառավարում և կրճատում
- Հասկանալ վարկերի հնարավորություններն ու ռիսկերը։
Ուսումնական բոլոր միջոցառումները կանցկացվեն techschool.am հարթակի միջոցով։
Դասընթացը ավարտելու դեպքում կարող եք ստանալ դասընթացի մասնակցության հավաստագիր։
