Tilgangur þessarar könnunar er að safna upplýsingum um hvað ungu fólki (15-35 ára) á Íslandi finnst vera mikilvægast að stjórnvöld leggi áherslu á í tengslum við heimsmarkmið Sameinuðu þjóðanna um sjálfbæra þróun. Með því að svara tekur þú þátt í að veita stjórnvöldum endurgjöf og þrýsta á þau gera betur í samræmi við áherslur ungmenna á Íslandi.

Svörin verða notuð til þess að að skrifa samantekt um áherslur ungmenna á Íslandi í tengslum við heimsmarkmiðin fyrir landrýnisskýrslu Íslands (e. Voluntary National Review). Nánar má lesa um verkefnið hér.

Það tekur örfáar mínútur að svara, spurningarnar eru níu um heimsmarkmiðin ásamt nokkrum almennum bakgrunnsspurningum. Könnunin er nafnlaus og tryggt verður að engar persónugreinanlegar upplýsingar komi fram í niðurstöðum og að ekki verði hægt að rekja neinar upplýsingar til einstakra svarenda.

Rebekka Karlsdóttir, ungmennafulltrúi Íslands hjá Sameinuðu þjóðunum á sviði sjálfbærrar þróunar er ábyrgðar- og vinnsluaðili könnunarinnar í samstarfi við Landssamband Ungmennafélaga (LUF). Farið verður með öll gögn samkvæmt lögum um persónuvernd og vinnslu persónuupplýsinga nr. 90/2018. 

Ef þú hefur spurningar eða ábendingar varðandi þessa könnun er þér bent á að hafa samband við ábyrgðaraðila könnunarinnar á netfanginu sustainable.development@youth.is