A Anpa FORNOBEDO, en colaboración có club de Atletismo “Vila de Cangas” e “Atletismo Morrazo”, organizan un ano máis o Cross escolar e popular do CEIP Castrillón. Xa imos pola XXV Edición!!!!!
Tal e como se leva facendo todos estes anos, invitaremos a todos os centros escolares da contorna a participar neste evento. A súa finalidade non é outra que a de promover o deporte e a convivencia entre o alumnado de diferentes centros escolares e a competición saudable.
DATA: Domingo 28 de AbrilHORA: a partir das 10.00 h
Para tal fin, elaboramos este formulario de inscricións coas categorías correspondentes segundo o ano de nacemento. Agradecemos tamén que nos fagades chegar as diferentes alerxias alimentarias e así preparar as merendas atendendo estas características.
Os dorsáis serán elaborados pola nosa Anpa e entregados o mesmo día do cross. Cada centro participante deberá asignar a unha persoa responsable de recoller ditos dorsais nas mesas habilitadas para tal fin antes do inicio do cross.
As probas darán comezo ás 10.00h , sendo a orde de participación a seguinte: prebenxamíns, benxamíns, alevíns, infantís, pitufos, cadetes e popular/pais/nais. Esta orde pode alterarse en función das condicións metereolóxicas.
Ao remate das carreiras, farase a entrega de premios e posterior sorteo de agasallos entre todos os participantes.
A DATA LÍMITE DE INSCRICIÓN SERÁ O 22 DE ABRIL ÁS 14.00H
(Está permitida a inscrición o mesmo día do cross só ata o comezo do mesmo, que será ás 10:00h)
