Лекцыя па гісторыі Беларусі “Няскораная Беларусь - вяртанне ў Еўропу. Незалежнасць” Вячаслава Сіўчыка
7 красавіка, 18:00
Беларускі Дом у Варшаве (ul. Kryniczna 6).

Вячаслаў Сіўчык - беларускі апазіцыянер, грамадскі і палітычны дзеяч, актывіст. Былы сакратар управы БНФ, лідар руху салідарнасці «Разам».

Тэмай лекцыі будзе "Незалежнасць". Вы з першых вуснаў даведаецеся чым было напоўнена грамадскае і палітычнае жыццё краіны ў 1991 – 1996 гадах. Вячаслаў з’яўляецца жывым сведкам, арганізатарам і ўдзельнікам многіх з тых падзеяў, пра якія будзе распавядаць.

Падчас лекцыі спадар Вячаслаў распавядзе аб тым, як праходзіў збор подпісаў за рэферэндум па роспуску вярхоўнай рады 12 склікання, пра антыімперскія акцыі ў Мінску. Акрамя гэтага ён раскажа аб першых прэзідэнцкіх выбарах пасля распаду СССР і незаконным референдуме ў 1995 годзе, а таксама аб першых палітвязнях рэжыму, сярод якіх быў ён сам.

Для ўдзелу ў мерапрыемстве неабходна зарэгістравацца з дапамогай гэтай анкеты.