TEMPADA II - de outono a primavera
Un programa para coñecer e recoñecer o patrimonio natural dende o sendeirismo.
Ruta 9: Costa da Morte: Laxe - Arou (26 de maio) - Precio: 30 euros
- Hora de saída a pé: 08:00 horas.
- Hora de chegada en bus: 18:00 horas.
- Punto de encontro: Praza da Igrexa de Ares.
- Información técnica: Ruta de 18 km // Desnivel + 330 m // Desnivel - 338 m. Dificultade MEDIA.
- Inscricións: Empadroados/as: do 30 de abril ao 3 de maio, ambas ás 18:00 h. Non empadroados/as: do 3 de maio ás 18:00 h. en adiante.
- Límite de 25 prazas por orde de inscrición.
Correspóndense cunha das etapas da coñecida como ‘Camiño dos Faros’. Trátase dunha ruta de difultade media que se achega a impresionantes calas, praias e paisaxes mariñas, transcurrindo por zonas de rochas e puidendo gozar das vistas únicas que culminarán nun dos faros máis coñecidos da Costa da Morte: o Cabo Vilán.
NORMATIVA DO PROGRAMA
- Esta programación de sendeirismo pretende propiciar o desenvolvemento da actividade física no medio rural, axudar a establecer formas de vida saudables e promover o coñecemento da nosa contorna dende unha percepción activa.
- Está dirixido a calquera persoa maios de 12 anos. No caso de menores de idade, deberá participar sempre baixo a tutela dun adulto responsable, que deberá ser comunicado no momento da inscrición.
- As inscricións realizaranse para cada actividade por separado na forma e prazos establecidos. Rematado o prazo, elaborarase un listado de participantes e unha lista de garda que se empregará no caso de que houbera baizas.
- Para formalizar a inscrición é preciso acceder á web municipal (www.concellodeares.gal) e premer en SendAres 2023; desta maneira enviarase a solicitude de participación. As solicitudes quedarán rexistradas por orde de inscrición, de cara a confeccionar os listados de cada ruta en base a este criterio.
- Unha vez confirmada a praza a cada solicitante, indicarase a forma de pagamento. Cada ruta ten un prezo distinto no que se incluirá servizos de guía, seguros e transporte.
- Os desprazamentos serán sempre en microbuses, saíndo e regresando ós puntos establecidos previamente. Por norma xera, partirase da Praza da Igrexa de Ares. Nas viaxes será obrigatorio empregar a máscara de hixiene sanitaria.
- Cada participante deberá levar a súa mochila cos elementos necesarios para a ruta, sen esquecer o seu avituallamento persoal, amais do calzado e da roupa adecuada á práctica deportiva.
AUTORIZACIÓN DE IMAXES
A inscrición implica que o Concello poida difundir libremente a imaxe dos participantes nas actividades, sempre baixo unha utilización sen ánimo de lucro, co obxectivo de difundir e promocionar a programación municipal, intentando salvagardar a imaxe dos menores durante o seu funcionamento. Se non consinte a cesión dos dereitos de imaxe, pode facer a súa rectificación ou cancelación no correo electrónico
deportes@concellodeares.com.
PROTECCIÓN DE DATOS
Seguindo o regulamento de protección datos persoais, as persoas solicitantes autorizan o tratamento dos datos facilitados polo Concello de Ares só cos fins asociados á xestión deste formulario. As persoas solicitantes poder exercer os seus dereitos de acceso, oposición, rectificación e cancelación dirixíndose ao correo
deportes@concellodeares.com ou vía postal a Av. Saavedra Meneses 12 15624, Ares.
NOTA INFORMATIVA
Se pasados os prazos administrativos non recibe ningunha comunicación por parte da Organización (deportes@concellodeares.com) da ruta, consulte a súa bandeixa de SPAM dentro do correo electrónico. Pode ser que a información sobre os seguintes trámites e/ou avisos vaian redirixidos a ese cartafol.
