Satemene globalisasi iku? Globalisasi asal saka tembung globe, bola dunia banjur dadi global, sing tegese mendunia. Salah sijine ahli kang asma Kenichi Ohmae mratelakake menawa globalisasi iku bisa digambarake menawa donya iki tanpa wates, amarga saka majune ilmu pengetahuan lan teknologi, mligine teknologi informasi.
Globalisasi bisa ditengeri saka:
1. Tipise water antar Negara, tegese kedadean ing sawijining Negara gampang banget diweruhi dening wong ing Negara liyane.
2. Pawarta saindening jagad, cepet banget semebare. Iki kabeh saka tansaya canggihe system komunikasi kaya dene TV, HP, internet, lan liya-liyane.
3. Saya majune dol-tinuku utawa perdagangan antarane Negara siji lan sijine.
Globalisasi gedhe banget pangaribawane tumrap sawijining Negara. Ana dhampak sing positip (apik, nguntungake), nanging uga ana sing negatip (ala, ngrungekake, nggawa kapitunan).
Dhampak positif Globalisasi, yaiku:
1. Masyarakat tansaya maju,
2. Tekade wong wong kanggo nyambut gawe tansaya gedhe,
3. Komunikasi tansaya gampang, amarga kabukake ruang sosial,
4. Anane pasar global,
5. Mlebune kabudayaan asing sing bisa nyengkuyung budaya nasional.
Globalisasi pancen akeh mupangate (dampak positif) nanging uga bisa ndadekake masalah (dampak negatif). Dhampak negatip globalisasi, yaiku:
1. Negara sing maju nduweni kuasa sing luwih gedhe,
2. Nuwuhake sipat konsumtip lan boros,
3. Barang gaweane luwar negeri bisa ngalahake barang gaweane jro negri
Mula saka iku, bocah-bocah kabeh, sing ing tembe bakal dadi saka gurune bangsa, kudu bisa nyaring pangaribawa saka manca Negara mau. Pamrihe supaya bangsa Indonesia mbesuke ora bakal kelangan jati dhiri. Ora kelangan budaya kang nyata adiluhung. Kepara malah kudu bisa mbudidaya amrih lestari lan ngrembakane budaya bangsa. Salah sijne yaiku budaya jawa sing adiluhung, kang awujud cangkriman