Die minister van Justisie en Korrektiewe Dienste, Ronald Lamola, het verklaar dat die vertoning van die Vierkleur onwettig behoort te wees. Hierdie uitspraak volg na 'n insident op Groblersdal waar lede van die publiek hierdie vlag gewapper het tydens 'n betoging.

Die FAK staan hierdie uitspraak sterk teen. Die Vierkleur is 'n simbool van die Afrikaner se vryheidstrewe en onafhanklikheid van Britse oorheersing. Dit is nie (soos die minister aanvoer) 'n simbool van kolonialisasie en apartheid nie.

Dit is n vlag van kultuur, trots, deursettingsvermoë en n voortbou identiteit van nasie!
Staan op vir jou erfenis en sê NEE vir regeringsinmening in ons kultuur!