Рэгістрацыя на онлайн-zoom лекцыю Сяргея Харэўскага "Інтэлектуальная і творчая традыцыя Вільні" 11.06.2021
Сябры, у пятніцу 11 чэрвеня 2021 года супольна зь Віленскім беларускім музеем імя Івана Луцкевіча запрашаем вас на zoom-лекцыю ды свайго кшталту віртуальную вандроўку "Інтэлектуальная і творчая традыцыя Вільні" з найвядомейшым мастацтвазнаўцам і гісторыкам архітэктуры, выкладчыкам Еўрапейскага Гуманітарнага Універсітэту ў Вільні Сяргеем Харэўскім.
Гэта будзе першая з 2-х імпрэзаў спадара Сяргея, прысьвечаных гістарычнай сталіцы Вялікага Княства, нашаму ўлюблёнаму гораду "за зачыненаю брамай".
Вільня -- калыска інтэлектуальных традыцыяў, розных народаў, розных рэлігіяў. Сярод іх паўставала і дужэла Беларушчына. Падчас zoom-лекцыі мы ўбачым самыя значныя помнікі Вільні і разьбяромся ў іх стылях: готыка, барока, клясыцызм. Дазнаемся пра славутых мастакоў Вільні, што стварылі ўнікальныя ўласныя стылі і чыя творчасьць паўплывала на цэлыя пакаленьні: Дабужынскі, Чурлёніс, Рушчыц.
Zoom-лекцыя будзе складацца з 4-х частак:
1. Архітэктурная і мастацкая спадчына Вільні.
2. Інтэлектуальная спадчына Вільні.
3. Прагляд унікальнага дакумэнтальнага фільму пра "Нашу Ніву", што адрадзілася ў Вільні ў апошнія дні савецкае імпэрыі.
4. Адказы на пытаньні
Пачатак мерапрыемства ў 19-00!
Рэгістрацыя праз гэтую гугл-форму. Спасылка на zoom-лекцыю прыйдзе за некалькі гадзінаў да пачатку (калі ласка, каб не прапусьціць інфармацыю, пакідайце як мінімум 2 кантакты, а калі пакідаеце е-мэйл, абавязкова правярайце "спам").
Удзел вольны! Але калі ў Вас будзе жаданьне аддзячыць вядоўцу ды арганізатарам, гэта можна будзе зрабіць пераводам любых сродкаў на картку. Будзем удзячныя!