Сябры, у суботу 9 ліпеня Арт Вандроўня працягвае серыю вандровак-даследванняў глыбіннай душы Беларусі з экскурсаводкай Вольгай Абразцовай. Гэтым разам мы прапануем выправіцца на Случчыну ды Любаншчыну.

Разыначкай нашага падарожжа будзе свята традыцыйнай народнай стравы “У Пласток на квасок”. Гаспадарыць на свяце збіральнік, даследчык і папулярызатар беларускай народнай танцавальнай культуры Сяргей Выскварка.

Прыкладны маршрут экспедыцыйнай вандроўкі: Менск - Замосце - Слуцк - Смольгава - Любань - Пласток - Менск

Як адчуць жывую традыцыю беларускай вёскі? Дзе паслухаць іх апавяданні і народныя песні, у якіх уся глыбіня нашай гісторыі? Выправіцца на свята-фэст традыцыйнай народнай стравы гэтай вёскі “У Пласток на квасок”, які штогод арганізоўваюць самі мясцовыя жыхары пад кіраўніцтвам вядомага этнахарэографа, кіраўніка фальклорнага ансамбля "Верабейкі" з Любані Сяргея Выскваркі. Фэст адбываецца на "Сядзібе Паўла i Марылі", у якой раней жылі прадзеды спадара Сяргея.

Амаль кулінарным брэндам гэтай мясцовасці з'яўляецца квасок - зусім не напой, а такі своеасаблівы гарачы грыбны суп, які гатуецца на бочкавым капусным расоле з дадаткам пярлоўкі і сушаных у печы грыбоў. Хтосьці дадае крыху капусты, хтосьці мяса, хтосьці рыбы або гатуе посны суп. Смак атрымліваецца такі своеасаблівы - квасны, рэзкавата-кіслы і вельмі адметны!

А на шляху мы заедзем у:

Замосце, дзе стаіць старадаўні касцёл Святой Барбары, пачатку 17 стагоддзя, які спалучае ў сабе рысы рэнесансу і ранняга барока і на сваім вяку паспеў пабываць касцёлам, уніяцкай царквой, праваслаўнай царквой, а некаторыя гісторыкі лічаць, што і кальвінскім зборам.

Слуцк – уладанне знакамітых родаў Алелькавічаў і Радзівілаў, даўні цэнтр беларускай girl power: радзіму Анастасіі Слуцкай і Сафіі Слуцкай і, канешне ж, радзіму слынных Слуцкіх паясоў. Наведаем адпаведны музей, створаны пры адноўленым вырабніцтве гэтых паясоў.

Смольгаў – радзіму Лірніка вясковага Уладзіслава Сыракомлі.

Любань – мястэчка, вядомае з 1566 года.

А таксама зробім яскравыя фота з Салігорскімі тэрыконамі і Любанскімі крэйдавымі кар’ерамі.
 
На самім фэсце ў вёсцы Пласток акрамя смачнага сялянскага абеду з тым самым знакамітым пластоцкім кваском нас чакае:

- тэматычнае шэсце "Шація святочная";

- конкурс розных гатункаў мясцовага прадукту "Квас з прыкрасамі" ад гаспадыняў-носьбіткі мясцовых кулінарных традыцый;

- канцэрт "Вясковая лірыка" ад народнага фальклорнага гурту "Міжрэчча" в. Пагост, фальклорных гуртоў "Беражніца" в. Пласток, "Чуткі" в. Камуна, "Напарачка", вакальнага гурту "Любанскія";

- "Танцы пад гармонiк" - вечарынка на вясковай вулiцы;

- выстава вясковага гаспадарчага начыння "З камешніка";

- выстава-продаж інвентару для ежы "Ложкі і лыжачкі",

- а таксам фотавыстава "Квасныя моманты" з мінулых святаў.

Унёскі на вандроўку з экскурсіяй, у тым ліку з наведваннем музея слуцкіх паясоў і смачным сялянскім  абедам у Пластоку  - 75 бел. руб. - наяўнымі ў мікрааўтобусе.

Запіс на вандроўку праз гэтую гугл-форму.

Уся дадатковая інфармацыя: 8-025-5458430 (viber),  8-044-5386283 (Валерыя), а таксама праз е-mail: bielkultura@gmail.com.