Здружението за социјални иновации  „АРНО“ објавува повик за 15 учесници на еднодневна работилница за подготовка на апликација за натпреварот „Филантропија преку зелени бизнис идеи 2019“( https://zeleniidei.mk/).

Работилницата ќе се одржи во Хотел Треф во Битола на 24-ти април (среда), со почеток во 11:00 часот.  

Заинтересираните кандидати треба да го пополнат формуларот. Принципот на пријавување е прв пријавен прв услужен (додека не се пополни бројот, или најдоцна до недела  (21-ри април 2019, 23:59). Првите 15 пријавени кандидати веднаш, а најдоцна до 22-ри април 2019, ќе добијат потврда за учество од страна на Слоу Фуд, Битола.


Кој може да се пријави?
Секој кој што е заинтересиран да се пријави на натпреварот „Филантропија преку зелени бизнис идеи 2019“ може преку оваа работилница да добие соодветна обука за пополнување  на бизнис планот и финансискиот формулар. Бројот е ограничен (со цел поголема ефикасност) на 15 учесници на кои менторот од  Асоцијацијата за Менаџмент консалтинг МКА 2000 кој ќе им помогне во индивидуалната разработка на нивните бизнис планови.

Содржина на работилницата:
На работилницата ќе ги добиете сите потребни информации за начинот на подготовка и пополнување на апликацијата. Особено ќе се задржиме на делот за подготовка на бизнис планот. Поради тоа,  препорачливо е да дојдете подготвени со основните податоци за вашиот производ/услуга. На пример, најприоритетно е да имате податоци за трошоците за изработка на производите или извршување на услугите. Важно е да знаете какви набавки ќе ви бидат потребни, машини, опрема, простор и слично. Размислете околу продажбата, особено за продажната цена на производот или услугата, профилот на купувачите, начинот на промоција и продажба. Размислете и за еколошките вредности во набавката на суровини, начин на продажба, користење на чиста енергија и слично.

Благодариме на интересот.