Hörmətli dostlar!

Azərbaycan Respublikasının Gənclər Fondunun dəstəyi, ELSA Azərbaycanın təşkilatçılığı ilə “Şuşa ili”nə həsr edilmiş “Şuşa şəhərinin iqtisadi və mədəni inkişafının beynəlxalq arenada təbliği” layihəsinə start verilir!

3-5 dekabr tarixlərində keçiriləcək layihə çərçivəsində iştirakçılar Şuşa şəhərində mövcud iqtisadi potensialın inkişaf etdirilməsinin, mədəni irsin qorunmasının hüquqi aspektləri, eləcə də mövcud bölgədən olan məcbur köçkünlərin qayıdışından sonra başqa millətlərlə birgəyaşayının hüquqi problemləri, bölgədə baş vermiş beynəlxalq humanitar hüquq pozuntuları və tarixi-mədəni irsin dağıdılmasının hüquqi nəticələri mövzusunda müxtəlif cür təlimlərdə iştirak edəcək, daha sonra isə qruplar şəklində praktiki məşğələlərə cəlb olunacaqlar.

Layihənin ilk 2 günü Bakı şəhərində, son günü isə Şuşa şəhərində baş tutacaq.

İştirak hamı üçün ödənişsizdir.

Layihənin sonuna qədər iştirak etmiş şəxslərə hədiyyə və sertifikatlar veriləcək.