最近留意到好多香港人身處英國，有部份係因為流學又遇到武漢肺炎而滯留、有被迫離開嘅人道保護申請者、有啱啱選擇離開故鄉嘅香港人，亦都了解大家嚟到會遭遇唔同困難或者突發意外，而計劃就希望提供短期支援比經濟處境出現問題嘅港人。

作為在英港商企，我地期望肩負部份社會責任，撥出營運資金推行「安全網」計劃。按求助人情況，在生活開支面對困難嘅香港人將獲批最長維持5個月嘅生活開支資助，希望呢啲非現金形式嘅生活津貼（超市及藥房消費額等）可以幫到大家應付所需。

申請過程只會索取申請人姓氏丶性別同發放資助所需嘅地址/簽收地點，經濟狀況證明亦可遮蔽身份及個人資料。務求本計劃同時兼顧個人資料私隱考慮。

當然，我地希望大家衡量係咪真係有需要之後先申請，務求資源分配更適切。另外，我哋會保留批核嘅最終決定權，經濟狀況不符合或曾進行、支持違反人權及普世價值嘅人士將不適用於本計劃。

*計劃由U-News 社區前線媒體 (United Kingdom)策劃執行。計劃暫不接受公開捐助。