Пријава за учество во Queer Easter!
Queer Easter е меѓународен семинар кој секоја година собира 70-100 луѓе на возраст од 18-30 години во Берлин, Германија, каде во едно-неделна програма се допираат разни теми околу квир култура, историја, политика, активизам и друго! Фокусот на семинарот за оваа година е „Видливост“ и што всушност значи да се има видливост во движењето кон ЛГБТИ+ еднаквост. Дел од темите што ќе бидат разработени на семинарот се на теми квир историја и култура, поп култура, Прајд движења, говор на омраза, и друго.
Семинарот не бара никакво претходно познавање на темите и е место за запознавање на нови луѓе, вмрежување на активисти од целиот континент, како и безбедно место за личен развој и експресија.
Датумите за оваа година се од 5-12 април, со тоа што деновите за пристигање и одење се 5-ти и 12-ти.
Патните трошоци за семинарот се покриени, и за учество во истиот се плаќа котизација од 50 евра.
Предност за учество имаат лица кои се идентификуваат како ЛГБТИ+ и немаат претходно учествувано во Queer Easter.