"Toxum School Regions" - Lənkəran
Əziz LƏNKƏRAN-lılar, “Toxum School Regions” görüşünüzə gəlir!
Toxum.org platforması Lənkəran şəhərində yaşayan və ideyalarla zəngin, öz layihələrini həyata keçirmək istəyən şəxslər üçün “Toxum School Regions - Lənkəran” təlimini təqdim edir.
4 regionda keçirilməsi planlanan "Toxum School Regions" dördüncü və son səfərini Lənkəran şəhərinə edir.
Təlimlər “Gənclərin Karyera və İnkişaf Mərkəzi" -nin tərəfdaşlığı və dəstəyi ilə həyata keçirilir.
İdeyalarınıza həyat vermək istəyir, amma onları reallaşdırmaq üçün haradan başlamalı olduğunuzu bilmirsinizsə, o zaman bu 2 günlük təlim sizin üçündür!
Təlimin proqramı:
1. Biznes, sahibkarlıq və sosial sahibkarlıq anlayışları;
2. Sosial sahibkarlıqda dəyər təklifi;
3. Sosial sahibkarlıq və sosial təsirin ölçməsi;
4. Sosial sahibkarlar üçün yerli və xarici imkanlar;
5. Sosial biznesdə genişləndirmə strateqiyası;
6. Layihələrin hazırlanması;
7. Kraudfandinq nədir?
8. Kraudfandinqin tarixi və əhəmiyyəti
9. Kraudfandinq maliyyələşmə üsulu kimi
10. Kraudfandinqin formaları və onların tətbiqinin müsbət/mənfi cəhətləri
11. Kampaniyanın aparılmasının nəzəri və praktiki tərəfləri
12. Hər üç mövzunun kəsişməsində: Öz arzunu işıqlandırmaq üçün ilk addım
Təlimçilər:
- Sara Rəcəbli - Sosial sahibkar, BUTA Art&Sweets sosial biznesinin təsisçisi.
- Kamran Cəbrayılov - Beynəlxalq PMP sertifikatına sahib Layihə Meneceri, SOCAR KBR-də aparıcı planlama mühəndisi, Tudors Azərbaycanın həmtəsisçisi.
- Toğrul İsmayılov - Toxum.org platformasının həmtəsisçisi.
Təlimdən qazanacaqlarınız:
-İlk növbədə təlimdə iştirak etmiş iştirakçılar Kraudfandinq (Kütləvi maliyyələşmə) və Sosial Sahibkarlıq haqqında dərin biliklərə yiyələnəcəklər.
- Sosial sahibkarlıq ilə cəmiyyətdəki sosial problemləri necə dayanıqlı və davamlı şəkildə həll edə biləcəyinizi öyrənəcəksiniz.
-Keçilmiş müxtəlif mövzulu nəzəri və praktiki təlimlər nəticəsində uğurlu kraudfandinq kampaniyası aparmağa hazırlıqlı olacaqsınız.
-Bu təlim layihəyə başlamaq istəyib, lakin maddi dəstəyi necə əldə etmək kimi suallar qarşısında qalan gənclərə dəstək verəcək.
-Təlimdən sonra artıq ideyanızı rahatlıqla reallaşdıra biləcəksiniz.
Təlimdə iştirak etmək üçün tələblər:
1. Yaş 18-dən böyük olmalı;
2. Müəyyən sosial və sosial sahibkarlıq ideyasına sahib olmalı;
Təlim 18 iyul tarixində 10:00-17:00, 19 iyul tarixində isə 10:00-14:00 saatları arasında baş tutacaq.
Qeydiyyatdan keçmək üçün tələsin !
Qeydiyyat üçün son tarix: 14.07.2021