Irurako udalak, 2022ko aurrekontuetan, inbertsiotarako atalean, 30.000 euro utzi ditu herritarrek erabaki dezazuen zertan gastatu. Horretarako  partaidetza prozesua ipini dugu martxan. 16 urtetik gora Iruran erroldatutako guztiek + erroldatuta ez egon arren, bertan jardueraren bat (merkataritzan, enpresetan,elkarteren batean, etab) garatzen duten pertsonek parte hartu ahal izango duzue. Apirilaren 25etik maiatzaren 5era,  zure proposamena(k) aurkezteko aukera izango duzu. Ondoren, udaleko bulego teknikoak proposamen ezberdinen bideragarritasuna aztertuko du, eta maiatzaren 23tik 27ra, oniritzia duten proposamenen artean herriaren garapenerako egokiena deritzozun proiektuari bozkatzeko aukera izango duzu.
Partaidetza prozesuaren arauak www.irura.eus helbidean aurkitu ditzakezu.
Parte hartu eta ingurukoak ere animatu!. ZUREKIN IRURA EGITEN!