Ventetida er over, endeleg skal me få stå på scena att!
Då treng me som vanleg litt hjelp frå dykk vaksne bak scena, både under prøver og framsyningar.
Her er alle velkomne til å bidra med smått og stort, både foreldre og føresette, storesøsken, besteforeldre, tanter og onklar osb.
Ingen forkunnskaper eller kvalifikasjonar er påkrevd, kun at du ynskjer å bidra til å skape gode og positive opplevingar for alle!
Oppgåvene går ut på å:
- følge gruppene mellom garderobar, sal og scene
- roe spente nerver
- hjelpe til med kostymeskift
- halde ro og god stemning medan me ventar
- minne elevane på å ete, drikke og gå på do
- bistå inspisienten ved å sørge for at gruppene står klare bak scena før det er deiras tur
Det er primært behov for vakter til dei yngste gruppene (t.o.m. 5. trinn), men det er også fint å ha vaksne bak scena som kan vera tilgjengelege for dei eldre elevane.