Праэкт накіраваны на дапамогу суайчыннікам, якія ўжо пераехалі альбо толькі плануюць пераехаць ва Ўроцлаў.

З уласнага досьведу мы добра ведаем, што пераезд у іншую краіну – гэта велізарны стрэс. Такі крок з’яўляецца вельмі цяжкім і часам выклікае шматлікія пытанні.

Як знайсці жытло і зрабіць мельдунак?
Дзе і як мне трэба легалізаваць сваё знаходжанне ў Польшчы?
Дзе я магу атрымаць дапамогу лекара?
Дзе можна пачаць вывучаць альбо павысіць узровень валодання польскай мовай?
Чым адрозніваюцца сістэмы адукацыі і як уладкаваць дзяцей у школу альбо дзіцячы садок?
Дзе шукаць працу?

Мы зробім усё, што ў нашых сілах, каб Вы атрымалі падрабязныя адказы на гэтыя і іншыя пытанні, якія хвалююць усіх людзей, што апынуліся на новым месцы. Мы ўжо прайшлі гэты шлях і гатовыя дапамагаць усім, хто гэтага патрабуе.