Á flokksstjórnarfundi í Hafnarfirði 4. mars kynnti Kristrún Frostadóttir, formaður Samfylkingarinnar, nýtt og umfangsmikið málefnastarf sem flokkurinn mun standa fyrir á næstu misserum.
Málefnastarfið verður tvískipt. Annars vegar eru ákveðin forgangsmál sem flokkurinn mun fara í af fullum þunga þar sem eitt forgangsmál verður tekið í einu, yfir ákveðinn tíma. Þar er öllum boðið að koma með, taka þátt í opnum fundum og leggja sitt af mörkum, en stýrihópur heldur utan um og leiðir vinnuna.
Forgangsmál þessa stundina sem við förum í af þunga eru húsnæðis- og kjaramál og á vinnunni að ljúka fyrir landsfund næsta haust.
Allir flokksfélagar og hver einasta eining flokksins getur lagt sitt af mörkum í þeirri vinnu sem er framundan í málefnastarfinu. Undirbúningurinn er hafinn og hér að neðan er hægt að skrá sig til leiks.
Stjórn Samfylkingarinnar hefur skipað tengiliði sem sjá um hefðbundið málefnastarf flokksins í öðrum málaflokkum fram að landsfundi. Smellið hér fyrir frekari upplýsingar.
