Laugavegsnámskeið Sigga P. og
hlaup.is verður nú haldið í þrettánda skiptið. Árlegur fjöldi hingað til hefur verið á bilinu 30-50 manns og hafa þátttakendur lokið hlaupinu á bilinu 5:00 klst til 9:00 klst. Námskeiðið hentar því fólki á öllum aldri og af mismunandi getustigum. Tekið er mið í persónulegum áætlunum af getu hvers og eins og áætlanir sniðnar að markmiðum hvers hlaupara.
Undirbúningsfundur verður miðvikudaginn 3. mars kl. 20:00 í fyrirlestrarsal á 3. hæð í húsi ÍSÍ í Laugardalnum (Íþrótta- og Ólympíusamband Íslands íþróttamiðstöðinni Laugardal) ef sóttvarnarreglur leyfa, annars verður fjarfundur á Teams eða Zoom. Fyrsta samæfingin verður miðvikudaginn 17. mars, einnig ef sóttvarnarreglur leyfa. Hópnum verður annars skipt upp í leyfilegar stærðir meðan takmarkanir eru við lýði.
Vinsamlegast fyllið út eftirfarandi upplýsingar svo hægt sé að meta stöðu ykkar og búa til persónulega áætlun.
Vinsamlegast greiðið staðfestingargjald 10.000 kr inn á reikning 528-26-4199, kt. 250959-4199 til að tryggja ykkur sæti á þessu vinsæla námskeiði :-)