Եթե հետաքրքրվում եք ժամանակակից ինքնագնաց (անվարորդ) ավտոմեքենաների համակարգերով, տեխնոլոգիաներով ու դրանց թեստավորման եղանակներով, ապա այս դասընթացը հենց Ձեզ համար է:
🔈«Առաջադեմ հետազոտությունների կենտրոն» ծրագրի ներքո մեկնարկում ենք «Ինքնագնաց ավտոմեքենաների հիմունքները» դասընթացի հայտերի ընդունումը:
📌Դասընթացի շրջանակում մասնակիցները կծանոթանան.
◾ժամանակակից ինքնագնաց ավտոմեքենաների և վարորդին օժանդակող համակարգերի կառուցվածքին,
◾դրանց հիմքում ընկած հիմնական տեխնոլոգիաներին և աշխատանքի սկզբունքներին,
◾ իրական լուծումների օրինակներին,
◾ ինչպես նաև թեստավորման եղանակներին։
Դասընթացի ավարտին մասնակիցները պատկերացում կկազմեն օգտագործվող տվիչների և էլեկտրոնային ղեկավարման հանգույցների աշխատանքային սկզբունքների, ինչպես նաև ժամանակակից արդյունաբերությունում կիրառվող դրանց անհատական և համակարգային թեստավորման եղանակների մասին։
📌Դասընթացի մանրամասներ․
◾Ծրագրի տևողությունը՝ 5 օր, օրական՝ 2 ժամ,
◾Մասնակցությունն՝ անվճար,
◾Անցկացման վայրը՝ Ինժեներական քաղաք (ք․ Երևան, Բագրևանդի փ․ 21/1)։
⌛Տեղերը սահմանափակ են։ Մասնակիցների ընտրության փուլում առաջնայնությունը կտրվի STEM ոլորտի ուսանողներին։
📞Հարցերի կամ հավելյալ տեղեկատվության համար կարող եք զանգահարել 011 219727 հեռախոսահամարով:
—
«Առաջադեմ հետազոտությունների կենտրոն» ծրագիրն իրականացվում է ԱՄՆ Միջազգային զարգացման գործակալության ֆինանսավորմամբ, «Ձեռնարկությունների ինկուբատոր» հիմնադրամի կողմից, համագործակցությամբ՝ Ինժեներական ասոցիացիայի, Նեյշնլ Ինսթրումենթս և Սինոփսիս ընկերությունների։ Ծրագիրը նպատակ ունի բարելավել Հայաստանի ճարտարագիտական ոլորտի մրցունակությունը համաշխարհային շուկայում՝ աջակցելով հետազոտություններին, մշակումներին և առևտրայնացմանը, ինչպես նաև` կոնսոլիդացնելով միջազգային ընկերությունների, ԱՄՆ-ի առաջատար համալսարանների և Հայաստանի ճարտարագիտական կլաստերի ջանքերը: