O domingo 27 de outubro temos cita co Mercado Social de Xinzo de Limia!
REAS Galiza (Rede de Economía Alternativa e Solidaria), organiza dita feira para o Concello de Xinzo de Limia que terá lugar
na contorna da Casa da Cultura. Unha
actividade enmarcada na promoción do impulso do cooperativismo e economía social financiada pola Rede EUSUMO e o Concello de Xinzo de Limia.
O horario previsto da feira será aproximadamente de 11.00h a 20.00h, e contará cos seguintes espazos:
Mostra de produtos e servizos de entidades pertencentes a ESS, onde cada unha delas contará con un posto específico. O espazo estará dividido en dous ambientes: un espazo onde estarán entidades de sectores afíns ao sector agroalimentario, produción local e alimentación sostible, e un espazo máis destinado a mostrar novos sectores emerxentes onde contaremos con stands para difundir servizos e produtos complementarios como finanzas éticas, transporte e mobilidade, economía circular, xestión de residuos, etc.
Espazos divulgativos e para actividades paralelas para difundir, sensibilizar e fomentar o encontro e cooperación, e lúdicas como reclamo para atraer a público e ter espazos de distensión.
Para a selección das entidades, organización e proxectos que acudiran cos seus postos a feira establecemos uns criterios de identificación das entidades participantes directas:
- Coñecer e compartir os valores e principios da carta de economía social e solidaria.
- Prioridade a entidades e proxectos locais.
- Prioridade de pertencer a algún dos seguintes sectores : agroalimentario, produtos locais, alimentación sostible, novas tecnoloxías, trasporte e mobilidade, finanzas éticas, enerxías renovables e transición enerxética.
- Interese en poder compartir experiencias e coñecementos.
Se queres participar como entidade co teu posto, cubre o seguinte formulario.
*DATA LÍMITE DE INSCRICIÓN: 26 de setembro.
Lembrade que participar co voso posto non ten custe algún, e desde a organización facilitaranse os soportes expositivos completamente de balde.
Unha vez recibida a vosa solicitude e pechado o prazo de inscrición, recibiredes un correo-e de confirmación de participación e as indicacións e información práctica da mesma.
Temos vontade de crear un lindo espazo de encontro e partilla, que adobaremos con actividades de dinamización do coñecemento, lúdicas e culturais para gozarmos dunha xornada do máis gorentosa.
Agradecemos que estendades esta información a quen consideredes de interese e agardamos vervos en Xinzo!
Esta actividade enmárcase no programa de actuación
2023/2024 da Rede Eusumo. A Rede Eusumo é unha rede de colaboración
impulsada pola Secretaría Xeral de Apoio ao Emprego, Traballo Autónomo e
Economía Social da Consellería de Promoción do Emprego e Igualdade para
o fomento do cooperativismo e a economía social que conta co
financiamento do Ministerio de Traballo e Economía Social.
