O servizo de Zona Relax está pensado para ofrecer ós máis cativos un espazo para que poidan descansar. Cada neno terá a súa camiña e saba de abaixo e terán que traer da casa unha sábana para taparse e unha mantiña que lles guste para que non se lles faga tan estrano durmir fóra da casa.
A empresa encargada deste servizo é Divertos e o horario da actividade é desde que os nenos rematan de comer ata as 16.00. Prégase puntualidade ó recoller ós nenos se non van a extraescolares despois. A ANPA tivo que facer unha inversión considerable (camiñas e sabas), polo que pedimos ás familias que sexan usuarias por primeira vez que fagan unha aportación de 20 euros en concepto de matrícula. Podedes facer o ingreso nesta conta ES44 2100 4790 4302 0002 2923 (Concepto: Matrícula Zona Relax) a partires do día 1 de xullo, non antes, por favor. Pedimos tamén que se manteña unha matrícula estable, tanto en número de días/semana como en meses ó longo do curso para simplificar a xestión do servizo, do que se fai cargo a ANPA de xeito voluntario. Nos casos excepcionais nos que desexedes dar de baixa ós vosos nenos/as pregamos nos informedes por correo electrónico (
anpahumbertojuanes@gmail.com) con 15 de antelación.
